RREGULLORJA E LOJËS PROMOCIONALE TË FATIT – Crodo Lemon Soda

RREGULLORJA E LOJËS PROMOCIONALE TË FATIT
“Fushata Verore Crodo 2026”
NENI 1 – ORGANIZATORI I LOJËS PROMOCIONALE TË FATIT
1.1. Organizator i lojës së Fatit promocionale “Fushata Verore Crodo 2026” në
Republikën e Shqipërisë është Shoqëria Eurolab Internacional Grup Shpk. (referuar këtu
më poshtë si “EIG”), person juridik shqiptar, themeluar dhe rregulluar sipas ligjeve të
Republikës së Shqipërisë, regjistruar pranë Qëndrës Kombëtare të Biznesit me NIPT
K36503231E, me seli në adresën: Rajoni 5, Lagjja “Lirim”, Rruga “Demokracia”. Vlore.
1.2. EIG është importuesi dhe distributori ekskluziv në tregun shqiptar i produkteve të
përzgjedhura Crodo, objekt i kësaj Loje Promocionale. EIG është përgjegjës për zhvillimin
e lojës promocionale të fatit në Shqipëri, përfshirë shpërndarjen e dhuratave,
komunikimin me pjesëmarrësit dhe organizimin e shorteut final në bashkëpunim me
Royal Unibrew.
1.3. Të drejtat si organizator i kësaj loje promocionale fati, EIG i ka marrë nga Royal
Unibrew A/S, një shoqëri e së drejtës Daneze, me numër regjistrimi 41956712, me seli në
Faxe Alle1, 4640 Faxe, Danimarkë. Këto të drejta përfshijnë, por pa u kufizuar në to,
planifikimin dhe ekzekutimin e aktiviteteve promocionale, shpërndarjen e dhuratave,
komunikimin me pjesëmarrësit, mbledhjen dhe përpunimin e të dhënave të nevojshme
për zhvillimin e lojës, si dhe organizimin dhe menaxhimin e shorteut final. Royal Unibrew
A/S mbetet mbikëqyrës dhe bashkëpunëtor në procesin e zhvillimit të lojës, duke ruajtur
të drejtën për të monitoruar përputhshmërinë e aktiviteteve me standardet dhe interesat
e saj tregtare.
NENI 2 – AFATI DHE TERRITORI
2.1. Loja promocionale e fatit “Fushata Verore Crodo 2026” do të fillojë në datë 1 Qershor
2026 dhe do të përfundojë në datën 30 Gusht 2026, në orën 23:59.
2.2. Respektivisht në datat 03 Korrik 2026, 04 Gusht 2026 dhe 04 Shtator 2026 ora 11:00
do të hidhen shortetë për përzgjedhjen e fituesve të 3 Vespa Primavera 125cc dhe 3
iPhone 17 Pro Max, të përcaktuar në nenin 6 si më poshtë.
2.3. Loja e Fatit promocionale “Fushata Verore Crodo 2026” do të zhvillohet në territorin
e Republikës së Shqipërisë.
NENI 3 – MEKANIZMI I LOJËS PROMOCIONALE
3.1. Mekanizmi i lojës promocionale të fatit “ Fushata Verore Crodo 2026” konsiston në
një kombinim të formulave “Bli produktin”, “Skano kodin QR në kanaçe” dhe “Bëhu pjesë
e lojës” për të fituar një nga dhurata e lojës promocionale të fatit.
3.2. Për të marrë pjesë në “Fushatën Verore Crodo 2026” dhe për të fituar dhuratat e vëna
në dispozicion nga EIG, pjesëmarrësit duhet të ndjekin udhëzimet vijuese në produktet e
përcaktuara në këtë rregullore:
a) Blerja e produktit: Pjesëmarrësi duhet të blejë të paktën një nga produktet
pjesëmarrëse të mëposhtme, e cila do të vërtetohet nga fatura tatimore:

LemonSoda
OranSoda
MojitoSoda
LemonSoda Zero
b) Aksesimi në platformë (website) për regjistrim: Pjesëmarrësi duhet të skanojë
kodin QR që ndodhet në produktet e selektuara, LemonSoda, OranSoda,
MojitoSoda dhe LemonSoda Zero kanaçe 0.33L, e cila gjatë periudhës së
promocionit do ta drejtojë pjesëmarrësin në platformën e lojës ku do ti jepen
direktivat për të qenë i pranueshëm për përzgjedhjen si fitues i dhuratave.
c) Regjistrimi në platformë (website): Pjesëmarrësi duhet të plotësojë të dhënat
në vijim:
a. Emrin dhe Mbiemrin;
Emri dhe mbiemri i plotësuar nga pjesëmarrësi duhet të jetë i njëjtë me
dokumentin zyrtar të tij të verifikimit (kartën e identitetit ose
pashaportën). Ky informacion do të përdoret si mënyrë identifikimi zyrtar
në rastin që pjesëmarrësi zgjidhet si fitues.
Çdo mospërputhje mes të dhënave të regjistruara dhe dokumentit zyrtar
të verifikimit:
Mund të rezultojë në diskualifikim
Pjesëmarrësi mund të humasë të drejtën për të marrë çmimin
b. Adresë email-i dhe Numër telefoni i cili do të përdoret si pikë diferencimi
për sistemin mes pjesëmarrësve, të cilëve i lejohet të marrin pjesë vetëm
një here në ditë (Neni 4) dhe të,
c. Ngarkojë faturën tatimore. Kuponi tatimor i ngarkuar duhet të:
Tregojë qartësisht produktin e blerë
Të përfshijë datën e blerjes së produktin dhe kodin QR
Të jetë e lexueshme, e plotë dhe autentike
Formatet e pranuara:
Foto (JPG, PNG) ose PDF
Përmasat e pranuara: deri në 2GB
EIG rezervon të drejtën për të mos pranuar kuponin tatimor që është:
I paqartë
I paplotësuar
Dyshohet se është i manipuluar
d) Termat dhe Kushtet e Përdorimit: Pjesëmarrësi duhet të pranojë termat dhe
kushtet e përdorimit për të marrë pjesë në shorteun që do të hidhet çdo muaj (03
Korrik 2026, 04 Gusht 2026 dhe 04 Shtator 2026 ora 11:00) për të fituar dhuratat.
e) Vetëm pjesëmarrësit të cilët plotësojnë të gjitha hapat e mësipërme mund të
konsiderohen si pjesëmarrës të vlefshëm.
3.3. Pas plotësimit të hapave të mësipërme pjesëmarrësit do ti kërkohet të kalojë në
faqen tjetër ku do të njoftohet që pjesëmarrësi do të jetë pjesë e shorteut respektiv
mujor. Kjo faqe gjithashtu do të përmbajë në të një pyetje të thjeshtë, “Kush shije nga
gama e pijeve të Crodo-s ju pëlqen?”, e cila nuk ndikon në asnjë mënyrë në
përzgjedhjen e fituesit. Në momentin kur zgjidhet një nga pijet do ti jepet mundësia të
shkojnë në platformën MapoCity për të kryer një blerje.
Kthimi i një përgjigjejes nuk është e detyrueshme. Ky aktivitet:
o Nuk vlerësohet;
o Nuk ka pike apo është e renditur;
o Nuk ka asnjë impakt në rezultatet e promocionit;
o Nuk influencon zgjedhjen e fituesve në asnjë mënyrë.
Ky element është krijuar me objektivin e vetëm për të krijuar angazhim me
markën.
NENI 4 – KUSH MUND TË MARRË PJESË
4.1. Pjesëmarrja në këtë promocion është e hapur për:
Individë të cilët janë rezidentë të përhershëm në Republikën e Shqipërisë;
Individë të cilët janë mbi moshën 18-vjeçare në momentin e pjesëmarrjes në
promocion;
Individë të cilët ndodhen fizikisht brenda territorit të Republikës së Shqipërsië
gjatë kohës së pjesëmarrjes, çka verifikohet përmes adresës së IP-së gjatë
regjistrimit;
Individë të cilët plotësojnë saktësisht të gjitha të dhënat e kërkuara për regjistrim.
4.2. Pjesëmarrja në promocion është individuale dhe e vlefshme vetëm për individë. Nuk
lejohet pjesëmarrja në emër të një subjekti juridik apo nëpërmjet mjeteve automatike,
robotike, ose të çdo forme tjetër të automatizuar.
4.3. Çdo person ka të drejtë të marrë pjesë në lojën promocionale një herë në ditë, me
një adresë emaili, numër telefoni dhe kupon tatimor.
NENI 5 – VLEFSHMËRIA E PJESËMARRJES
5.1. Blerja e produktin në të njëjtën ditë me aplikimin: Pjesëmarrësi është i detyruar të
aplikojë në shorte në të njëjtën datë kalendarike si data e blerjes së produktit e treguar
qartë në kuponin tatimor. Çdo kupon tatimor i cili ka datë të ndryshme nga data e
aplikimit do ta bëjë këtë aplikim të pavlefshëm dhe do të përjashtohet automatikisht nga
promocioni dhe nga shorteu i çmimit.
5.2. Kufizimet e përdorimit të kuponi tatimor: Çdo kupon tatimor mund të përdoret
vetëm një here, pavaresisht pjesëmarrësit. Ky kupon nuk mund të përdoret nga disa
pjesëmarrës – është i vlefshëm për vetëm një aplikim për një (1) pjesëmarrës dhe sasia e
produktit në kupon, nuk ndikon. Çdo përpjekje për të ripërdorur kuponin tatimor, për ta
ndarë me pjesëmarrës të tjerë apo të ngarkojnë të njëjtën kupon tatimor disa herë do të
rezultojë në aplikim të pavlefshëm dhe skualifikim nga promocioni.
5.3. Verfikimi i kuponit tatimor: Organizatori do të kryejë një process verifikimi manual
në bazë javore për të shqyrtuar të gjithë kuponët tatimorë të paraqitur. Ky verifikim munt
të përfshijë kontrollin visual të kuponëve tatimorë të ngarkuar, krahasim mes
pjesëmarrësve të paraqitur dhe kryqëzim të të dhënave dhe dokumenteve të ngarkuar.
Çdo kupon tatimor që identifikohet si i dublikuar, i paraqitur më pare (nga pjesëmarrës
të tjerë por edhe vetë), i ndryshuar, i manipuluar apo i falsifikuar do të refuzohet dhe do
ta konsiderojë pjesëmarrjen e pavlefshme.
5.4. Autoritet përfundimtar: Organizatori rezervon të drejtën për të kryer verifikime
shtesë në çdo faze të Promocionit, të kërkojë dokumentacion mbështetës ose sqarime
nga pjesëmarrësit, kur është e nevojshme. Mosparaqitja e informacionit të kërkuar
brënda afatit të përcaktuar mund të çojë në pavlefshmëri të pjesëmarrjes, dhe/ose
diskualifikim nga promocioni. Vendimi përfundimtar i organizatorit është përfundimtare
dhe detyruese në lidhje me vlefshmërinë e kuponit tatimor dhe pjesëmarrësve.
NENI 6 – ÇMIMET E PROMOCIONIT
6.1. Gjatë periudhës së promocionit, pjesëmarrësit do të kenë mundësinë të fitojnë
çmime mujore me të njëjtën vlerë çdo muaj.
A. Çmimet mujore:
3 Vespa Primavera 125cc e bardhë të branduara me markën Crodo (vlera
monetare 451,200.00 lekë/copë me TVSH) = 1,353,600.00 lekë me TVSH
3 iPhone 17 Pro Max të branduara me markën Crodo (vlera monetare 114,990.00
lekë/copë me TVSH) = 344,970.00 lekë me TVSH
Përzgjedhja e fituesve do të realizohet gjatë procedurës së shorteut, në praninë e
përfaqësuesve të përcaktuar në Nenin 7 të kësaj Rregulloreje.
Sistemi elektronik do të përdoret për gjenerimin automatik të listës së pjesëmarrësve të
vlefshëm, bazuar në aplikimet e regjistruara sipas kushteve të kësaj Rregulloreje.
Organizatori rezervon të drejtën të skualifikojë pjesëmarrësit që nuk përmbushin kushtet
e përcaktuara në Nenin 5.
Pas gjenerimit të listës finale të pjesëmarrësve të vlefshëm, nuk do të lejohet asnjë
modifikim manual gjatë procedurës së shorteut. Përzgjedhja rastësore e fituesve do të
realizohet elektronikisht dhe nën mbikëqyrjen e përfaqësuesve të pranishëm.
Shpërndarja mujore e çmimeve do të bëhet sipas listimit në tabelën e mëposhtme:
Shorteu Mujor
Numri i dhuratave
03.07.2026
04.08.2026
1 Vespa Primavera 125cc e bardhë; 1 iPhone 17 Pro Max
1 Vespa Primavera 125cc e bardhë; 1 iPhone 17 Pro Max
04.09.2026
1 Vespa Primavera 125cc e bardhë; 1 iPhone 17 Pro Max
6.2. Kushtet për çmimet
Çmimet nuk janë të transferueshme dhe nuk janë konvertueshme në para apo në
ndonjë alternative tjetër.
6.3. EIG mund të refuzojë dhënien e çmimeve në rast se konstaton se nuk janë respektuar
kushtet e kësaj Rregulloreje, apo në rast se fituesit rezultojnë të tillë si rezultat i ndonjë
parregullsie apo mashtrimi.
6.4. Kushtet specifike për çmimin 1 Vespa Primavera 125cc e bardhë:
Transferimi i mjetit do të koordinohen nga organizatori dhe të gjitha kostot në
lidhje me regjistrimin dhe transferimin e mjetit do të mbulohen nga EIG
Pas transferimit, të gjithë përgjegjësitë (sigurimet, mirëmbajtja, taksat) i përkasin
fituesit
NENI 7 – NJOFTIMI I FITUESVE DHE TËRHEQJA E ÇMIMEVE
7.1. Përzgjedhja e fituesve: Fituesi do të selektohet nëpërmjet një shorteun mujor i cili
do të hidhet çdo muaj ne datat 03 Korrik 2026, 04 Gusht 2026 dhe 04 Shtator 2026 ora
11:00 AM, në praninë e:
a) Një përfaqësuesi të AMLF-së;
b) Një përfaqësuesi të Drejtorisë së Tatimeve;
c) Një punonjësi të autorizuar të EIG-së;
d) Një Noteri Publik të autorizuar nga EIG-ja.
Rezultatet e shorteut do të dokumentohen zyrtarisht nëpërmjet një dokumenti proces
verbal.
7.2. Njoftimi i fituesve: Fituesi do të njoftohet menjëherë brënda ditës së hedhjes së
shorteut përkatës nëpërmjet një email-i konfirmues dhe një telefonate që përmban
informacion mbi dhuratën e fituar.
Nëse fituesi nuk përgjigjet brënda 48 orëve nga marrja e email-it informues, organizatori
ka të drejtën të shpallë një fitues tjetër nga lista e individëve të aprovuar dhe të anulojë
fitimin e çmimit për individin që nuk ka konfirmuar pranimin.
7.3. Procedura e tërheqjes së Çmimeve: Përfituesit e çmimit do të jenë të detyruar të
paraqiten në zyrat e Eurolab Internacional Grup me një dokument identifikues (kartë
identiteti apo pashaportë) që duhet të përkojë me emrin dhe mbiemrin nga të dhënat e
plotësuara gjatë regjistrimit në lojë, të konfirmojë detajet personale dhe të firmosi
proçesverbalin e pranimit të çmimit.
Çmimi do t’u dorëzohet atyre vetëm pas firmosjes së proçesverbalit dhe konfirmimit të
të dhënave. Në momentin që organizuesi vendos që identiteti i pjesëmarrësit nuk përkon
me informacionin e regjistruar apo të dhënat e dorëzuara gjatë regjistrimit janë të
pasakta apo të paqarta, organizatori ka të drejtën të skualifikojë fituesin dhe të zgjedhi
një fitues të ri nëpërmjet një shorteu të ri.
7.4. Dorëzimi i cmimeve: Të dy cmimet do të dorëzohen tek fituesi nëpërmjet një kalimi
fizik. Me çmimin Vespa duke transferuar dhe të drejtat ligjore.
7.5. Mospranimi i Çmimit: Në rast se fituesi nuk e pranon çmimin brënda afatit të
përcaktuar (48 orë), ai humbet të drejtën për të marrë çmimin.
7.6. Limitet e fituesve: Një pjesëmarrës mund të fitojë vetëm një (1) çmim gjatë
periudhës së promocionit. Pjesëmarrësit të cilët janë deklaruar si fitues të çdolloj çmimi
nuk do jenë të pranueshëm për të fituar çmime të tjera.
Në rastin kur një pjesëmarrës është selektuar rastësisht më shumë se një here, vetëm
çmimi i pare i fituar në rend kronologjik do ti dhurohet dhe çdo fitim i mëvonë do
konsiderohet i pavlefshëm duke bërë që një fitues i ri të zgjidhet nëpërmjet një shorteu
shtesë.
7.7. Skualifikim: Organizatori ka të drejtën të skualifikojë çdo pjesëmarrës i cili ka
dhënë:
Informacione të rrema apo të paplotësuara;
Kupon tatimor të rremë, të pasaktë apo të manipuluar;
Kupon tatimor të duplikuar, të dërguara më shumë se një (1) herë;
Sistemi është abuzuar apo manipuluar.
Pjesëmarrësit e skualifikuar humbasin të gjitha të drejtat për pjesëmarrje dhe për çmime.
NENI 8 – TË DHËNAT E PJESËMARRËSVE
8.1. Të gjitha të dhënat personale (Emri, Mbiemri, Adresa e email-it, Numri i telefonit dhe
Kuponi Tatimor) që do të përpunohen nga EIG dhe Royal Unibrew do të përpunohen
vetëm për qëllimin e kësaj Fushate Verore Crodo 2026 dhe me përfundimin e saj do të
shkatërrohen sipas ligjit në fuqi, duke mos lejuar humbjen, ndryshimin, përhapjen e pa
autorizuar ose ndërhyrjen te të dhënat personale të transmetuara, ruajtura apo
përpunuara. Të dhënat personale të mbledhura nga EIG dhe Royal Unibrew në kuadër të
këtij promocioni dhe sipas kushteve të kësaj rregullore, do të trajtohen në përputhje me
Ligjin Nr. 124/2024“Për Mbrojtjen e të Dhënave Personale”.
NENI 9 – TAKSA DHE TATIMET
9.1. Fituesi nuk do të jetë subjekt detyrimesh, tarifash apo garancish që kanë lidhje të
drejtpërdrejtë me çmimin, përvec atyre të cilat mund të kerkohen detyrimisht për fituesin
nga legjislacioni në fuqi në Republikën e Shqipërisë.
NENI 10 – FORCA MADHORE
10.1. Promocioni “Fushata Verore Crodo 2026” mund të ndërpritet në rast force
madhore (rrethana të cila Subjekti Implementues nuk mund t‘i kishte parashikuar apo
influencuar), përfshirë pamundësinë e EIG-së për të vazhduar promocionin “Fushata
Verore Crodo 2026” për arsye që nuk varen nga vullneti i saj. EIG do të informojë
konsumatorët me mjetet e duhura në rast ndërprerjeje të promocionit “Fushata Verore
Crodo 2026” duke dhënë edhe arsyet e kësaj ndërprerjeje. Në raste të tilla, EIG nuk do të
ketë detyrimin për të dëmshpërblyer pjesëmarrësit për asnje dëm financiar apo jo
financiar lidhur me pjesëmarrjen e tyre në promocion.
NENI 11 – ZGJIDHJA E MOSMARRËVESHJEVE
11.1. Me pjesëmarrjen në këtë Lojë Promocionale, pjesëmarrësit deklarojnë se kanë
dhënë miratimin e tyre dhe pranojnë automatikisht rregullat, kushtet dhe mekanizmin e
kësaj Lojë Promocionale.
11.2. Në rast se një pjesëmarrës kërkon të mos përfshihet në këtë Lojë Promocionale,
Eurolab Internacional Grup shpk do të respektojë kërkesën e tij dhe nuk do ta përfshijë
atë në shorteun për përzgjedhjen e fituesve.
11.3. Çdo mosmarrëveshje që mund të lindë në lidhje me këtë Lojë Promocionale do të
zgjidhet nga Gjykata e Shkallës së Parë e Juridiksionit të Përgjithshëm Tiranë, në
përputhje me legjislacionin në fuqi në Republikën e Shqipërisë.
NENI 12 – TE NDRYSHME
12.1. Rregullorja e Lojes Promocionale do të publikohet edhe në faqen në internet të EIG
www.eurolabinternacional.com dhe në faqen sociale të instagramit lemonsoda.al.
12.2. Personat që sipas parashikimeve të kësaj rregullore kanë të drejtë të tërheqin
çmimet e vëna në lojë, nëse hasin pengesë në tërheqjen e tyre mund të paraqesin çdo
ankesë apo informacion në adresën e e-mail-it: suport.soda@eurolabinternacional.com
ose në numrin e telefonit : +355 68 896 7400